အချိန်တန်ရင် အိမ်ပြန်ကြတာပေါ့

Posted by may kay on April 23, 2011 at 10:21pm

 ဘယ်နှစ်ရာသီ ဘယ်နှစ်မိုးတိုင်ခဲ့ပီလဲ
သိမ်းထုပ်ထားခံရတဲ့ ဆန္ဒချိုချိုတွေ
မှိုများလိုက်နေပီလားဟယ်
ဆောင်းမရှိတဲ့ကျွန်းမှာ
နင်ဘဝရော ချိန်သားကျရဲ့လား
သူငယ်ချင်းရေ.....
ဖြစ်ချင်တာနဲ့ဖြစ်သင့်တာ
အချိုးအစား ဘယ်တုန်းကမှ
မမျှတခဲ့ဘူးလေ။
ကံတရားက ငါတို့မှ
မွဲ မွဲနိုင်လွန်းတယ်ဟယ်
ဒီခေတ်တစ်ခုမှာမှ ငါတို့က
လူစဖြစ်ခဲ့ရတာကိုး
မိဝေးဖဝေးဆိုတာကိုက
ခေါက်ရိုးကျိုး ဘဝလေများလား။
ခေတ်တွေ စနစ်တွေ
ငါတို့နားမလည်တဲ့ဘာညာဗေဒတွေနဲ့
ခပ်ဝေးဝေးကသာနေလိုက်တော့
သေချာတာက
အချိန်တစ်ခု မှာ ငါတို့အိမ်ပြန်ကြမယ်ဆိုတာပဲ။
အနောက်ကိုလျှောက်ပါလို့ အရှေ့ကိုပဲမျှော်ရတော့မယ်
ပိတောက်တွေ ခရေတွေ စိတ်ကူးလေးနဲ့
ခူးကြ ပန်ကြတာပေါ့
အခုချိန်မှာတော့ ဘဝပီသအောင်
ကိုယ့်စိတ်ကိုယ်ချိုး ရှေ့သို့ပဲရဲရဲတိုးကြရမယ်။
ဒါပေမဲ့.....
သူငယ်ချင်းရေ
ရွှေရောင်တောင်ပံနဲ့ ငါတို့အိမ်မက်တွေကို
ဘယ်လိုမျှားအစင်းစင်းနဲ့မှ ပစ်မချလိုက်ပါနဲ့
ဒို့တွေ အချိန်တန်ရင် အိမ်ပြန်ကြရမယ်လေ။
သူငယ်ချင်းရေ
မက်ဒေါနယ်နဲ့ ကိုကာကိုလာထက်
ကျစိမ့်တစ်ခွက်နဲ့ မုန်းဟင်းခါးကို
ငါတို့က ပိုချစ်တယ်...
ကမ္ဘာကျော် ဘယ်နေရာပဲဖြစ်စေ
ငါကတော့ TIME SQUARE ထက် အင်းယားကိုပိုချစ်တယ်
လွမ်းတယ်ဆိုတာ..ရင်မှာတမြေ့မြေ့လောင်တဲ့မီးတောက်ဆို
အဲ့သလို အလွမ်းတွေနဲ့
ငါရန်ကုန်ကိုလွမ်းတယ်.....
သူငယ်ချင်းရေ...
မိုးတွေက မလိုတဲ့နေရာမှာ စွေလွန်းတယ်ဟာ
ခေတ်ကိုပဲအပြစ်တင်ရမလား စနစ်ကိုပဲအပြစ်တင်ရမလား
ဘဝဒိုင်သူကြီးရဲ့ ပွဲပီးခရာသံကိုပဲ
နားတစွင့်စွင့်နေလိုက်တော့တယ်။
အရုဏ်တစ်ခါလင်းတိုင်း
မှတ်မှတ်ရရရွတ်ဆို......
အချိန်တစ်ခုမှာ ငါတို့အိမ်ပြန်ကြရမယ်။
သူငယ်ချင်းရေ
"လဲနေသူထူပေးပါ အားငယ်သူအားပေးပါ"
ငါတို့ရင်နှီးခဲ့သမျှ စာသားတွေက
တချို့နေရာမှာ အသုံးချခွင့်မရရှာဘူး
အတ္တတွေ အရောင်ထူ လွန်းသကိုးကွဲ့။
နေညိုလာရင် ငါတို့မသိအောင်
ဆန္ဒတစ်ချို့တွေက အိမ်ခိုးခိုးပြန်ကြတယ်
တော်ရာမှာ ပျော်အောင်မနေနိုင်သူရဲ့
ဝဋ်နာကံနာ လို့သာဆိုကြပါစို့။
သူငယ်ချင်းရေ
ခရီးကြမ်းမဟုတ်တဲ့ မာယာလမ်းမှာ
ငါတို့ယုံကြည်ချက်တွေ မျက်စိမလည်ကြေး
ငါတို့ ရင်မှာပျိုးထားတဲ့
အိမ်မက်တစ်ပွင့်ကို....ရှင်သန်ပါစေ
ကြီးထွားပါစေ....
ငါတို့တွေက
အချိန်တန်ရင် အိမ်ပြန်ကြရမယ်လေ...
အိမ်ပြန်ကြရမယ်
အိမ်ပြန်ကြရမယ်
အိမ်ပြန်ကြရမယ်
အိမ်ပြန်ကြ....
အိမ်ပြန်...
အိမ်.........
အိမ်.......
.........................
.............................